Radiologjia e përgjithshme
Radiografia, është forma më e vjetër dhe më e përdorur e imazhit mjekësor. Rrezet janë zbuluar më shumë se një shekull më parë, ato mund të prodhojnë imazhe diagnostike të trupit të njeriut në film ose në mënyrë digjitale në ekranin e kompjuterit.
Radiografia, është mënyra më e shpejtë dhe më e lehtë për një mjek për të parë dhe vlerësuar kockat e thyera, të tilla si frakturat e kafkës dhe dëmtimet e shtyllës kurrizore. Më së paku merren dy imazhe (nga kënde të ndryshme) dhe shpesh tre imazhe janë të nevojshme nëse problemi është rreth një artikulacioni (gju, bërryl ose dore). Rrezet X gjithashtu luajnë rol kyç në orientimin e kirurgjisë ortopedike dhe në trajtimin e lëndimeve të lidhura me sportin. Radiografia, mund të zbulojë forma më të avancuara të kancerit në eshtra, edhe pse skrinimi i hershëm për kancerin kërkon metoda të tjera.
Cili është qëllimi i radiografisë?
Imazhet me rreze X përdoren për të zbuluar kockat e thyera, shenja të artritit dhe komplikacione të tjera të mundshme të brendshme. Rrezet kalojnë përmes trupit në nivele të ndryshme varësisht nga dendësia e indit. Në indet e buta si muskujt dhe indet yndyrore ,rrezet kalojnë shumë më lehtë se sa, siç është kocka për shembull. Rrezet që kalojnë përmes trupit kapen nga makina me rreze x për të siguruar një imazh të strukturës së brendshme të trupit.
Mjeku juaj mund të rekomandojë një radiografi për të mësuar më shumë rreth:
- Kockat, përfshirë thyerjet, artritin dhe kancerin e eshtrave
- Infeksione dhe kancer të mushkërive
- Problemet në traktin tuaj të tretjes
- Shëndetin e enëve të gjakut
- Shenjat e insuficiencës kongjestive të zemrës, të tilla si një zemra e zgjeruar
A duhet të përgatitem para egzaminimit?
Para se të bëni radiografi ju duhet të hiqni disa nga rrobat tuaja dhe të vishni për të siguruar imazhet e duhura.Pjesa e trupit që do të egzaminohet vendoset pastaj përpara kasetës derisa radiologu përgatit aparaturën e rrezeve X. Ata do të qëndrojnë pas ekranit protektiv derisa të merren imazhet.
Çfarë ndodh pas egzaminimit?
Atëhere kur radiologu të jetë i kënaqur me imazhet e fituara, atëherë përfundon edhe procedura. Përfitimi i imazheve mund të zgjat disa sekonda, derisa përgatitja e filmave zgjat deri disa minuta. Gjatë egzaminimit me rreze X ju nuk do të ndjeni dhimbje apo parehati, ju do të merrni filmat dhe raportin e radiologut, brenda gjysmë ore nga momenti i ardhjes. Mos harroni të merrni me vete filmat dhe raportin në takimin me doktorin tuaj.
Radiografia e kraharorit
Radiografia e kraharorit është testi i parë imazherik që kryhet kur kemi simptoma si frymëzënie,kollë e vazhdueshme, dhimbje ose demtime kraharori ose ethe. ./ Individët me gjendje të tilla mjekësore të tilla si insuficienca kongjestive e zemrës apo kanceri mund të bëjnë radiogafinë e kraharorit për të ndjekur reagimin ndaj trajtimit, ose për të parë nëse ka nevojë për ndryshim në menaxhimin e tyre mjekësor.
Shërbimet e rrezeve X që ofrojmë
- Kraharori
- Kurrizi
- Kafka
- Sinuset
- Brinjët
- Pelviku
- Ekstremitetet
- etj.
Nëse jeni shtatzënë, ju lutem informoni doktorin tuaj.